.png)
Një vajzë shtatë vjeçare u vra nga forcat e sigurisë në Mandalay.
Familja e vajzës së vogël denoncoi vrasjen sipas asaj që raporton BBC, duke u bërë viktima më e re në shtypjen pas grushtit të shtetit muajin e kaluar.
Gazeta lokale “Myanmar Now”, raporton se ushtria hyri në shtëpinë e tyre në periferi të Chan Mya Thazi dhe qëlloi babanë e saj, por në vend të tij, goditën vajzën që ishte në krahët e burrit.
Vajza e vogël, emri i së cilës ishte Khin Myo Chit, është viktima më e re e shtypjes ushtarake. Ndërkohë që vëllai i saj 19-vjeçar, u arrestua.
“Ata shkelmuan derën për ta hapur atë”, tha motra e viktimës, 25-vjeçarja May Thu Sumaya.
“Kur dera ishte e hapur, ata e pyetën babanë tim, nëse kishte ndonjë person tjetër në shtëpi. Kur ai tha jo, ata e akuzuan për gënjeshtër dhe filluan të kontrollonin shtëpinë”, vijoi e reja.
Ky ishte momenti kur Khin Myo Chit vrapoi drejt babait të saj për t’u ulur në prehrin e tij. “Pastaj ata e qëlluan”, tregon May Thu Sumaya.
Sipas organizatës “Save the Children”, mbi 20 fëmijë janë vrarë që nga fillimi i protestave në ditët e para të shkurtit.
Ushtria flet për 164 viktima, ndërsa Shoqata e Ndihmës për të Burgosurit Politikë (AAPP), vlerëson se numri i të vdekurve gjatë shtypjes, është të paktën 261.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje