.png)
Bashkë me përshëndetjen për nisjen zyrtarisht të fushatës zgjedhore, Ambasada e SHBA në Tiranë lëshoi edhe një paralajmërim për të gjithë udhëheqësit politikë, por në veçanti për ata në Qeveri.
Mesazhi është i qartë; SHBA nuk pret as më pak dhe as më shumë se një proces të qetë dhe të drejtë zgjedhor dhe se po mban shënime për të gjithë shkelësit e mundshëm, që i paralajmëron se do të vihen para përgjegjësisë.
“Si miku dhe aleati juaj. SHBA i ka bërë të qartë pritshmëritë. Ritheksojmë se për këtë do të mbajnë përgjegjësi udhëheqësit. Në këtë këndvështrim, ata në pushtet kanë përgjegjësinë kryesore për të vepruar në përputhje me interesat e vendit. Do të marrim masat e nevojshme ndaj atyre që pranojnë dhe promovojnë dhunën, pranojnë, ose promovojnë shkeljen e Kodit Zgjedhor dhe standardeve europiane, ose të minojnë integriteti dhe besueshmërinë e procesit zgjedhor dhe rezultatit të tij”, thuhet në deklaratën e SHBA.
SHBA u bën thirrje partive politike dhe kryetarëve të tyre që të konkurrojnë me ide e program dhe të shmanget dhuna.
“U bëjme thirrje të gjitha partive, udhëheqësve dhe votuesve që të aktivizohen plotësisht dhe me përgjegjshmëri të ushtrojnë të drejtat që kanë. U bëjmë thirrje partive që të ballafaqojnë idetë dhe kandidatët të reflektojnë respekt për votuesit. Presim nga udhëheqësit që të tregojnë lidership, duke u siguruar që partitë e tyre dhe kandidatët t’i binden ligjit zgjedhohr dhe standardeve ndërkombëtare duke refuzuar qartësisht dhunën dhe duke demonstruar se janë të denjë për të drejtuar dhe përfaqësuar Shqipërinë”, thuhet në mesazhin e publikuar nga Ambasada e SHBA në Tiranë.
Shoqërisë civile i kërkohet që të luajë rolin e saj të rëndësishëm në të gjithë procesin zgjedhor. SHBA thotë se një proces i drejtë dhe i ndershëm është ajo çfarë shqiptarët meritojnë dhe SHBA nuk pret më pak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje