.png)
Kryetari i opozitës, Lulzim Basha u shfaq ekzaltues në hapjen e fushatës. Nën thirrjet e simpatizantëve të shumtë me flamujt e PD-së, rënies së borive të makinave dhe spektaklit të tullumbacave në fund të fjalës, Basha kërkoi votën e qytetarëve “në emër të ndryshimit”.
Në anën tjetër, shumë më pak festive ceremonia e hapjes së fushatës së PS-së e kondicionuar nga kushtet e pandemisë dhe rregullave të vendosura nga Komiteti Teknik.
Ndryshe nga sa perceptohej nga ekrani, audiencën online e fitoi PS-ja. Që në fillim.
Kryeministri Edi Rama në Facebook gjatë prezantimit të kandidatëve të PS-së filloi me 18 mijë ndjekës, shkoi në 19 mijë për të arritur kulmin e audiencës kur foli Erion Brace me 21 mijë e 400 ndjekës që po e shihnin Live. Kulmin e audiencës e pati Luljeta Bozo me 21 mijë 500 ndjekës. Këtë shifër nuk e mundi sot as kryeministri Edi Rama që e filloi me 20 mijë ndjekës për të zbritur pastaj tek 19.700.
Panoramë ndryshe nga ana e PD-së. Kur Lulzim Basha shpërndau në Facebook “Live” ceremoninë e hapjes së fushatës, ndjekësit ishin tek shifrat e 4200-it.
Më pas filloi të rritej me 6 mijë deri kur foli zëdhënësja e fushatës së PD-së, Floriana Garo me 7100 ndjekës që po e shihnin “Live” nga Facebook. “Rekordin” e saj e theu për pak minuta Lulzim Basha ku audienca u rrit edhe me 200 ndjekës, (7300) më pas filloi të bie tek kufiri 6000-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje