.png)
Ka ardhur edhe sentenca për çështjen e tamponëve të Lacios, që është akuzuar nga Prokuroria e Federatës Italiane të Futbollit për mosrespektim të protokollit anti-Covid. Gjykata Federale ka dënuar me 7 muaj ndalim të ushtrimit të detyrës presidentin Klaudio Lotito dhe nga 12 muaj mjekët Ivo Pulçini dhe Fabio Rodia.
Nuk ka heqje pikësh nga klasifikimi për Lacion, që gjithashtu duhet të paguajë edhe një gjobë prej 150000 eurosh. Akuzat për klubin roman mbështeteshin mbi të gjitha mbi komunikimin e munguar të autoriteteve kompetente shëndetësore dhe izolimin e lojtarëve që kishin rezultuar pozitivë.
Lacio, Lotito, Pulçini dhe Rodia janë shpallur fajtorë, sepse nuk kanë njoftuar autoritetet kompetente për 8 lojtarë që kishin dalë pozitivë pasi kishin kryer tamponin e UEFA-s para sfidës me Bryzhin, më 28 tetor 2020, në Ligën e Kampionëve. E njëjta gjë ndodhi edhe para ndeshjes me Zenitin, kur nuk u komunikua pozitiviteti i lojtarëve të tjerë, Imobiles, Leivas dhe portierit të Kombëtares shqiptare, Tomas Strakoshës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje