.png)
Në Kaliforninë Jugore, në Orange, katër njerëz u vranë gjatë një sulmi me armë zjarri brenda një ndërtese dykatëshe që përdorej për zyra.
Policia e Los Anxhelesit raporton se midis viktimave është edhe një fëmijë.
Një nga personat që dyshohet se kishte qëlluar, është plagosur nga policia. Arsyet e të shtënave me armë zjarri nuk janë ende të qarta.
“Unë vetëm mund t’ju them se ne nuk kemi pasur një incident si ky në qytezën e Orange për herë të parë nga viti 1997”, komentoi një oficer policie.
“Është një tragjedi e madhe për viktimat, familjet e tyre, komunitetin tonë dhe departamentin tonë,” shtoi ai.
Në muajin mars, SHBA-të u tronditën nga dy masakra masive me armë zjarri, ku mbetën të vdekur me dhjetëra njerëz.
Tetë persona – shumica prej tyre aziatiko-amerikanë – u vranë brenda tre qendrave masazhi në Atlanta, Georgia, në 16 mars, ndërsa 10 njerëz u qëlluan për vdekje në një supermarket në Kolorado në 22 mars.
Presidenti amerikan, Joe Biden, u zotua të ndërmarrë “hapa të arsyeshëm” për përdorimin e armëve të zjarrit, duke përsëritur thirrjen e tij për të ndaluar armët sulmuese dhe duke i kërkuar Kongresit të miratojë faturat që do t’i jepnin fund boshllëqeve ligjore në kontrollin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje