.png)
Qeveria britanike do t’i ofrojë të gjithë popullatës mundësinë për të kryer dy teste të shpejta falas anti-Covid në javë nga e premtja që vjen, si pjesë e një forcimi të planit kombëtar të parandalimit të koronavirusit.
Lajmin e njoftoi ministri i Shëndetësisë, sipas të cilit, nisma do të ndihmojë për të kontrolluar dhe parandaluar çdo shpërthim të virusit ashtu siç vendi gradualisht po del nga periudha e tij e gjatë e bllokimit.
Bëhet fjalë për tamponë, të cilët nxjerrin rezultatin brenda 30 minutave dhe aksesohen nga farmacitë e vendit falas.
Ndërkohë, kanë qenë të shumta reagimet nga kritikët, të cilët i cilësuan testet e shpejta “skandaloze” dhe humbje parash.
Diskutohet se pas 12 prillit, qeveria angleze të shqyrtojë mundësinë e rihapjes, duke filluar nga baret dhe restorantet në ambientet e hapura.
Ndërkohë, kryeministri Boris Jonson, ka propozuar formatimin e pasaportës-Covid, në të cilën do regjistrohet nëse personi është i vaksinuar ose jo, nëse është i imunizuar në mënyrë natyrale ose nëse ka rezultuar negativ.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje