.png)
Nga Anglia po shtohen gjithmonë e më shumë zërat se portieri David De Gea do të largohet nga Mançester Junajtid në fund të këtij sezoni. Spanjolli ka një kontratë me “Djajtë e kuq” deri më 30 qershor 2023, por në verë duket se do të lërë Premier Ligën për t’u transferuar në Itali.
Sipas “Fichajes.net”, portieri i datëlindjes 1990 po ndiqet me interes nga Interi dhe Juventusi, ndaj dhe më shumë gjasa ai do të kalojë në Serinë A. Më i interesuar për De Gean është Interi, që prej kohësh është në kërkim të atij që do të zëvendësojë kapitenin Samir Handanoviç. Por edhe Juventusi synon të afrojë një portieri kalibri me përvojë.
Po ashtu, për portierin spanjoll ka interesim edhe klubet e PSG-së në Francë, si dhe Atletikos së Madridit në Spanjë. Vlera e kartonit të De Geas në këtë moment është rreth 40 milionë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje