.png)
Orët e fundit është bërë virale ngjarja e 20 marsit në kampionatin gjerman, ku Borusia Dortmund, pas barazimit 2-2 me Këlnin në transfertë, harroi të merrte me vete në kthim edhe zëvendëskapitenin e saj, Mat Humels.
Prapaskenën e ka zbuluar e përditshmja gjermane “Bild”, që tregon se askush nga futbollistët e tjerë apo drejtuesit e skuadrës nuk e vuri re mungesën e mbrojtësit me eksperiencë në autobus.
Humels, pasi mbeti vetëm në Këln, u detyrua të kthehet në Dortmund me makinë. “Fotografia perfekte e Bundesliges fatkeqe të Dortmundit“, – shkruan gazeta gjermane në lidhje me këtë ngjarje të pazakontë. Në atë kohë nuk u mor vesh asgjë, por pas 20 ditësh shtypi ka arritur të zbulojë edhe këtë ngjarje qesharake, që nuk i shkon për shtat një klubi serioz si Borusia Dortmund.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje