.png)
Vllaznia dhe Laçi do të jenë përballë njëri-tjetrit vetëm pak ditë pasi u ndeshën në kampionat dhe barazuan pa gola. Ishte ndeshja e parë mes këtyre dy skuadrave, ku shkodranët arritën të merrnin pikë. Sot ata i presin kurbinasit në “Loro Boriçi”, për gjysmëfinalen e parë të Kupës së Shqipërisë.
Kupa ka një specifikë tjetër nga kampionati, janë dy ndeshje që vendosin kualifikimin për në finale, por kuptohet që akti i parë ka një rëndësi të veçantë. Trajneri Tomas Bërdariç foli me optimizëm para kësaj sfide dhe pret fitoren nga të tijtë. Në krahun tjetër, Laçi vjen me disa mungesa, ku veçohen Selmani, Nuabueze e Ramos, por sërish skuadra e trajnerit Shpëtim Duro mbetet e rrezikshme.
Teuta e ka më të lehtë në letër, pasi shorti i gjysmëfinaleve e ka vënë përballë Skënderbeut, që objektiv primar ka qëndrimin në Superiore. Korçarët kanë pasur një ecuri të mirë javët e fundit, por nuk mendohet se do t’i hapin punë Teutës për kalimin në finale.
Tri nga katër skuadrat gjysmëfinaliste, Teuta, Vllaznia dhe Laçi kanë pretendime për titullin kampion, por Europën mund ta arrijnë edhe nëpërmjet Kupës së Shqipërisë, që është një rrugë më e shkurtër.
Kupa e Shqipërisë, gjysmëfinalet
Sot, ora 16:00
Teuta-Skënderbeu
Vllaznia-Laçi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje