.png)
Administrata e Ushqimit dhe Barnave e Shteteve të Bashkuara të Amerikës, ka bërë thirrje për një ndalim të prodhimit të vaksinave “Johnson & Johnson” për Covid 19 në një strukturë të Baltimorë, ku rreth 15 milionë doza u shkatërruan muajin e kaluar.
Gjiganti farmaceutik, i tha agjencisë së lajmeve AFP në fund të marsit, se kishte identifikuar një grumbull dozash në një strukturë të Baltimorë të drejtuar nga ‘Emergent BioSolutions’, “që nuk plotësonin standardet e cilësisë”.
Kjo e fundit tha që FDA, i kërkoi në 16 prill të ndalonte prodhimin në fabrikë në pritje të një inspektimi.
“Më 16 prill 2021, me kërkesë të FDA-së, “Emergent” ra dakord të mos fillojë prodhimin e ndonjë materiali të ri në objektin e saj në Bayview dhe të karantinojë materialin ekzistues të prodhuar, në pritje të përfundimit të inspektimit dhe të riparimit të ndonjë anomalie”, – thuhet në një komunikatë.
“Johnson & Johnson”, vetë njoftoi për një hetim të brendshëm. Fabrika “Emergent BioSolutions”, nuk ishte autorizuar nga rregullatorët amerikanë në atë kohë për të prodhuar një “substancë farmaceutike” për vaksinën J&J, tha kompania farmaceutike, por media amerikane raportoi se kishte në plan të prodhonte dhjetëra miliona doza në të ardhmen e afërt.
Të paktën 8 milionë doza J&J priten të transportohen Itali deri në qershor. Në orët e ardhshme, Agjencia Evropiane e Barnave (Ema) do të vendosë nëse do të zhbllokojë – siç ka shumë të ngjarë – “Johnson & Johnson”, të ndaluar nga SHBA-të pas disa rasteve të trombozës në miliona injeksione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje