.png)
Sezonin e ardhshëm në Ligën e Kampionëve mund të shtohet edhe një tjetër futbollist i Kombëtares. Sipas shtypit gjerman, mesfushori Klaus Gjasula është vënë në shënjestrën e Eintrahtit të Frankfurtit, ekipit që mban vendin e 4-t në Bundesligë dhe që ka shanse të mëdha për të marrë pjesë në Champions.
Nga mediet gjermane bëhet me dije gjithashtu se klubi i njohur ka nisur bisedimet për transferimin e 31-vjeçarit, që ka një kontratë e Hamburgun deri në vitin 2022. Aktualisht Hamburgu merr pjesë në Bundesligën 2 dhe pretendon rikthimin në Bundesligë 1.
Eintraht Frankfurt po ecën shumë mirë në kampionat dhe i ka të gjitha mundësitë për të siguruar një “biletë” Championsi. Drejtuesit e tij vlerësojnë përvojën e Klaus Gjasulës dhe e shohin si një lojtar të vlefshëm për sezonin e ri. Mesfushori shqiptar ka lënë pas dëmtimin dhe është gati për pjesën e mbetur të sezonit, ndërsa vera mund të sjellë të reja për të ardhmen e futbollistit kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje