.png)
Presidenti Ilir Meta u kthye vite pas në kohë për të kujtuar procesin zgjedhor të Komunës së Libofshës të vitit 1994, ku grupe të lidhura me qeverinë në atë kohë dhunuan qytetarë, komisionerë e deri edhe deputetët e Partisë Socialiste.
Ilir Meta, në atë kohë deputet i PS-së dhe kryetar i FRESSH-it së bashku me deputetët e tjerë socialistë Ylli Bufi, Musa Ulqini, Ndre Legisi, Namik Dokle, Shaqir Vukaj dhe kreu i degës së PS-së së Fierit në ato ditë, Petro Koçi ishin në Libofshë. Të gjithë këta u vunë nën rrethim nga një grup personash, që vonë PS do t’i identifikonte si banda të partisë në pushtet. Imuniteti i deputetit nuk i mbrojti nga dhuna.
Dhuna dhe presioni i bandave shkaktoi si reaksion kundërpërgjigjen e qytetarëve të Libofshës burra e gra, që në disa episode janë përleshur me këto grupe ditën e zgjedhjeve.
Meta e risolli këtë episod për të ilustruar se çfarë përgjigje do të marrin, sipas tij, çdo përpjekje për të manipuluar procesin zgjedhor. Por, një tjetër protagonist i atyre ngjarjeve akuzon Presidentin se që në ato ditë ka bashkëpunuar me Sali Berishën.
“Ilir Meta mos e zër në gojë Libofshën! Sepse ditën e masakrës mbi ne të gjithë, horrat e PD çuditërisht vetëm ty të kursyen, se qysh atëherë i shërbeje Saliut!”, shkruan Petro Koçi përmes rrjeteve sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje