.png)
Janë 29,518 infeksione të reja të regjistruara në Gjermani dhe të komunikuara në “Robert Koch Institut” në 24 orët e fundit.
Ndërsa fatalitetet që i atribuohen Covid-19 ishin 259 persona.
Shkalla federale e incidencës javore (infeksione të reja për 100 mijë banorë) është 161.1 (dje 160.1).
Pas kësaj situate kritike, Dhoma e Lartë e Parlamentit gjerman, Bundesrat, do të vendosë sot për rregulla të reja kombëtare anti-covid, të miratuara dje nga Bundestagu, të ashtuquajtura “frenat emergjente” që do të aktivizohen në prani të një numri të lartë të infeksioneve: mbi 100 për 100 mijë banorë për tre ditë rresht.
Dhoma – e përbërë nga delegatët e qeverive të 16 Landeve – pritet të dalë me një vendim pasditen e të enjtes.
Ndërkohë, Gjermania dëshiron të blejë 30 milionë doza “Sputnik V”, në rast se vaksina ruse merr dritën jeshile nga EMA. Lajmi u bë i ditur në rrjetet sociale nga ministri dhe presidenti i Saksonisë, Michael Kretschmer, në Moskë, pas takimit me ministrin rus të Shëndetësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje