.png)
Rënia – e përkohshme, sipas Florentino Perez – e Super Ligës është përjetuar si një fitore e UEFA-s, që ditët e fundit ishte mjaft aktive me deklaratat e presidentit të saj, Aleksander Ceferin. Por tani zëri triumfues i numrit 1 të futbollit europian rrezikon të lërë të pakënaqur një pjesë të madhe të tifozëve, siç ndodhi me idenë e kompeticionit të ri. Prej së premtes në rrjetet sociale ka një tendencë, veçanërisht në Itali dhe Spanjë, me hashtagun #CeferinOut.
Shkëndija që ka shkaktuar këtë pakënaqësi ishte paralajmërimi për 4 skuadrat që janë ende të lidhura më Super Ligën, Real Madrid, Barcelona, Juventus dhe Milan: “Kush është në Super Ligë, mbtetet jashtë UEFA-s dhe drejtuesit e këtyre klubeve mund të kenë pasoja”. Jo rastësisht të premten në mbrëmje hashtagu në fjalë ishte në 5-shen më në tendencë në gjithë botën.
Tifozët nuk duan një kompeticion “të mbyllur”, siç dukej se do të ishte Super Liga, por në të njëjtën kohë e ndjejnë nevojën e një reforme në futboll, duke përqafuar disa nga pretendimet që 12 klubet rebele kanë vendosur në tavolinën e diskutimeve.
Kjo lëvizje kundër Ceferin ka sjellë edhe një lloj “binjakëzimi social” mes tifozëve të Realit dhe Juventusit, dy skuadrat në linjën e parë të Super Ligës dhe rrjedhimsiht edhe më të sulmuarat nga kreu i UEFA-s, duke parë deklaratat kundër Perezit dhe Anjelit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje