.png)
Një detyrë elektorale vë në rrezik serioz pjesëmarrjen e Marselos në ndeshjen me Çelsin, gjysmëfinalja e kthimit në Ligën e Kampionëve. Mbrojtësit të Realit, brazilian por me nënshtetësi spanjolle, i ka rënë shorti për të qenë kontrollor në zgjedhjet e Asamblesë në Madrid.
Problemi është se këto zgjedhje janë parashikuar për më 4 maj, një ditë para ndeshjes kundër Çelsit në Londër. Dhe sipas protokolleve në fuqi për Koronavirusin, vështirë se mund të udhëtosh ditën e ndeshjes. Një tjetër problem ky për trajnerin Zidan, që për mbrojtjen pret rikthimin e Mendi dhe Serxhio Ramos.
Klubi dhe Marselo janë në bisedime për të bindur këshillin elektoral që braziliani të udhëtojë bashkë me shokët e skuadrës ditën e martë, ditën e zgjedhjeve. Të gjitha kërkesat deri tani janë hedhur poshtë, por Reali nuk është dorëzuar. Në këto zgjedhje është angazhuar edhe Viktor Chust. Një koincidencë e rrallë: mes gjithë rezidentëve në Madrid me më pak se 70 vjet, shorti u ka rënë dy lojtarëve të Realit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje