.png)
Aldo Bumçi, i renditur i 16-ti në listën e PD-së për Tiranën me një rezultat të dobët në favor të tij, është shprehur se Lulzim Basha duhet të vijojë të jetë në krye të PD-së.
“Është e drejtë e kujtdo të kërkojë largimin e zotit Basha. Në mendimin tim, nuk është kjo beteja e demokratëve. Demokratët votuan dhe prodhuan frymëzim me 0 lekë, ndërsa në krahun tjetër u shpenzuan qindra mijëra euro.
Zoti Basha nuk gjykohet dot për rezultatin, pasi ishte rezultat spektakolar që u cenua nga makineria e vjedhjes së votës, prishja e koalicioneve në mënyrë të njëanshme dhe një fletë votimi që u bë ashtu si u bë në mënyrë të qëllimshme, që vota të bëhej e pavlefshme.
Beteja e të gjithë demokratëve, edhe e Nishanit, Imamit e Ristanit, është që të kthejmë normalitetin në këtë vend.
Rama do të bënte të njëjtën gjë për të fituar zgjedhjet, kushdo që të ishte në krye të PD-së. Nëse do të kishim një rezultat si të vitit 2017, pavarësisht manipulimeve, Basha duhej të largohej. Sot, sfida e Bashës është beteja për legjitimitetin e qeverisjes së vendit”, tha Bumçi.
Lidhur me ftesën për bashkëpunim nga kryeministri Edi Rama për Partinë Demokratike, Bumçi tha: “Edi Rama është në hall të madh sepse nuk ka më lekë buxheti, nuk merr dot borxh tjetër, nuk rrit dot më çmimin e energjisë. Njerëzit do të thonë sërish që ‘jemi keq’. Edi Rama duhet të ofrojë zgjidhje politike, pasi është shkaktari i krizës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje