.png)
Triumfi i Interit pas 11 vitesh e ka burimin te forca e kolektivit, megjithatë janë disa elementë që duhen veçuar, duke nisur nga trajneri Antonio Konte dhe dyshja e sulmit e përbërë nga Romelu Lukaku dhe Lautaro Martinez. Sulmuesi belg ishte ndër ata që festuan më shumë të dielën për titullin e Interit.
Për mikrofonët e “Sky”, pasi shtëtiti Milanon me makinë, Lukaku u shpreh: “Për shumë nga ne ishte titulli i parë kampion. Jam shumë krenar që mbaj veshur këtë fanellë dhe jam i lumtur për të gjithë interistët kudo në botë. Jam i lumtur për skuadrën, për trajnerin dhe stafin teknik, për presidentin dhe gjithë të tjerët”.
Lukaku e ka cilësuar këtë sezon si vitin më të mirë të karrierës së tij: “Ishte një vit shumë i bukur për të gjithë ne. Xhiroja ime në Milano? Ishte momenti për të dalë dhe për të parë njerëzit, doja të festonim me ta. Ky është viti im më i mirë në karrierë. Shpresoj të vazhdojmë kështu. Jam shumë i kënaqur dhe dua t’i falënderoj të gjithë, sepse ishte vërtet një sezon shumë i bukur”, – ka thënë më tej sulmuesi belg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje