.png)
Pas 9 sezonesh vuajtje në nivelin inferior, Dinamo, skuadra e dytë më e titulluar e Shqipërisë, rikthehet në Superiore. Një mungesë e gjatë për 18 herë kampionët e vendit, të cilët kanë vuajtur problemet ekonomike dhe përzënien nga kompleksi i tyre historik në kryeqytet.
Fitorja e sotme me Vorën e ka certifikuar skuadrën blu si pjesë të Superiores dhe kampione të Grupit A të Kategorisë së Parë një javë para fundit të kampionatit. Dinamo ka dominuar garën në grupin e saj, duke fituar rivalitetin me Burrelin dhe Korabin.
Me ardhjen në krye të klubit të italianit Marko Pontreli, blutë fillimisht siguruan qëndrimin në Kategorinë e Parë, pasi ishin katandisur si mos më keq. Më pas u bë organizimi për një skuadër pretendente që tashmë ka kurorëzuar ngjitjen në elitë. Me Dinamon u bashkuan lojtarë me kualitet, të huaj dhe shqiptarë, ku veçohen katershja pogradecare e përbërë nga kapiteni Pere, Hidri, Berberi dhe Alillari, Da Silva, Paterni, Xhixhiua, Kolgega dhe portieri Bakaj.
Gjatë këtij sezoni Dinamon e kanë drejtuar italiani Fabricio Kamarata, aktualisht trajneri i Apolonisë, Moriero dhe Mikoli në 2 ndeshje dhe javët e fundit Olsi Uku. Prej pak kohësh blutë kanë një president të ri, Ardian Bardhin, dhe tre donatorët Marko Pontreli, Olger Prfti dhe Papuli. Objetivi i tyre është tashmë ndërtimi i një skuadre kompetitive për Superioren.
Me rikthimin e Dinamos në Superiore, shtohen edhe ndeshjet derbi të kryeqytetit, që vitet e fundit kanë qenë vetëm ato mes Tiranës dhe Partizanit. Tashmë të dyja këto skuadra do të sfidohen edhe “nëndetsja” blu. Rikthimi i saj është pa diskutim një vlerë e shtuar në futbollin shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje