.png)
Një revistë e krahut të djathtë në Francë njofton sot se mbi 100,000 njerëz kanë nënshkruar një letër të hapur të një grupi ushtarësh në shërbim, që paralajmërojnë për kërcënimin e luftës civile në Francë.
Letra, e publikuar të dielën vonë në “Valeurs Actuelles”, e akuzon Qeverinë për “koncesione” ndaj islamizmit dhe thotë se çështja “ka të bëjë me mbijetesën e Francës”.
Revista tha se gati 133,000 njerëz e kanë nënshkruar letrën deri të hënën.
Ministri i Brendshëm i Francës, Gerald Darmanin aleat i ngushtë i presidentit Emmanuel Macron e cilësoi letrën si një “manovër të rrezikshme” dhe akuzoi nënshkruesit e saj për mungesë “guximi”.
Qeveria e ka dënuar edhe një letër të ngjashme, të publikuar muajin e kaluar nga disa zyrtarë francezë dhe 20 gjeneralë, duke e konsideruar si ndërhyrje të papranueshme të ushtrisë në politikë.
Gjenerali më i lartë i Francës është zotuar se ata që qëndrojnë pas letrës, do të ndëshkohen. Numrat dhe gradat e nënshkruesve fillestarë të letrës së fundit janë të paqarta.
Ata e përshkruajnë veten si ushtarë aktivë të gjeneratës së re të ushtrisë që ka shërbyer në Afganistan dhe Afrikë ose që i është bashkuar operacionit të brendshëm anti-terrorist, që ka nisur pas një vale të sulmeve islamiste, në vitin 2015.
Dy letrat vijnë përpara zgjedhjeve të vitit 2022 në Francë, kur sfiduese e presidentit Macron pritet të jetë sërish udhëheqësja e ekstremit të djathtë, Marine Le Pen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje