.png)
Shqipëria do të dalë në tregjet ndërkombëtare me objektiv përthithjen e turizmit me gjasë me sloganin “Shqipëria, Covid-free”.
Qeveria ka vënë në shërbim të promovimit të turizmit një shumë prej 100 milionë lekësh.
“Për përballimin e shpenzimeve për mbështetjen e turizmit shqiptar për promovimin në tregjet ndërkombëtare post COVID-19 dhe prezantimin e Shqipërisë si një destinacion mikpritës COVID-free”, thuhet në vendimin e Qeverisë.
Paratë do të përballohen nga Fondi Rezervë dhe menaxhohen nga Agjencia Kombëtare e Turizmit.
Me ofertën Covid-free dhe shifrat zyrtare në ulje të infeksioneve të reja (në krahasim me vendet e rajonit), Qeveria shqiptare synon që të joshë turistët e huaj, të cilët mund të kenë ngurrime për shkak të pandemisë, apo që janë të painformuar për mungesën e masave kufizuese për shkak të pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje