.png)
Kancelari austriak, Sebastian Kurz, mëngjesin e të premtes ngriti flamurin izraelit në Bundeskanzleramt, selia e Kancelarisë, në Vjenë.
Në një postim në Twitter, Kurz flet hapur për një “akt solidariteti” ndaj Tel Avivit dhe dënon “në një mënyrë vendimtare sulmin terrorist ndaj Izraelit. Ne jemi në anën e izraelitëve”, – përfundon kancelari, duke iu referuar rinisjes së konfliktit ushtarak me Palestinën në Rripin e Gazës.
Në imazhin që ai publikoi, tre flamuj shihen duke u valëvitur në çatinë e Bundeskanzleramt: ai austriak, i BE-së dhe i Izraelit.
Heute wurde als Zeichen der Solidarität mit #Israel die israelische Flagge am Dach des Bundeskanzleramtes gehisst. Die terroristischen Angriffe auf Israel sind auf das Schärfste zu verurteilen! Gemeinsam stehen wir an der Seite Israels. pic.twitter.com/FR42K3iA4z
— Sebastian Kurz (@sebastiankurz) May 14, 2021
Disa minuta, i njëjti flamur shfaqet gjithashtu në ndërtesën e Ministrisë së Jashtme në Vjenë. Këtë herë është shefi i departamentit, Alexander Schallenberg, i cili e shkroi në Twitter: “Përballë sulmeve të pandërprera me raketa ndaj Izraelit, – shkruan ai, – ne jemi në solidaritet me partnerët tanë izraelitë. Kjo është arsyeja pse ne ngritëm flamurin në Ministrinë e Jashtme të Vjenës sot. Mbështetja jonë për sigurinë e Izraelit është e palëkundur”.
Deri tani, nga bombardimet izraelite në Gaza janë vrarë rreth 120 palestinezë, ku një pjesë janë gra dhe fëmijë. Ndërsa nga raketat e grupit ushtarak Hamas drejt vendbanimeve hebreje, kanë humbur jetën të paktën 10 persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje