.png)
Pas 7 vitesh, Atletiko Madrid ia ka dalë sërish, ka thyer dyshen Barça-Madrid, duke fituar titullin e 11-të në Spanjë. Tre titujt e fundit të Atletikos mbajnë firmën e Diego Pablo Simeones, në 96-tën si lojtar, ndërsa në 2014-ën dhe tani në 2021-shin si trajner. Atletiko e mbylli kampionatin në kuotën e 86 pikëve.
Kampionati i 90-të në Spanjë është vendosur në 90 minutat e fundit. Atletiko Madrid kishte 2 pikë avantazh ndaj Realit dhe pjesën e parë të ndeshjes me Valadolidin e mbylli në disavantazh 1-0. Në të dytën përmbysi gjithçka me golat e Korreas dhe Suarezit, duke u shpallur kampion, ndërsa Ronaldo Fenomeni, presidetni i Valadolidit, nuk mundi t’i bënte një dhuratë mikut Florentino Perez, por edhe ta shpëtonte ekipin nga rënia.
🙌🏆🙌 Esto ya forma parte de vuestra historia, @Atleti. #LaLigaSantander #HayQueVivirla pic.twitter.com/1ZNx7cPAJ4
— LaLiga (@LaLiga) May 22, 2021
Reali mundi me përmbysje Vilarrealin, me dy gola të shënuar në 3 minutat e fundit nga Benzema dhe Modriç, por ishte një fitore e kotë, sepse rivalët e Atletikos nuk gabuan në ndeshjen e tyre dhe festa ishte e gjitha për ta.
Lagrimas de campeón. 😍
— LaLiga (@LaLiga) May 22, 2021
¡Eres enorme, @LuisSuarez9! ❤#LaLigaSantander #HayQueVivirla pic.twitter.com/UahLY14K73
Ishte një titull shumë i veçantë për sulmuesin uruguaian Luis iSuarez, i cili shpërtheu në lot. I skarcuar nga Barcelona verën e kaluar, ai tregoi vlerat e tij me golat vendimtarë të titullit kampion për Atletikon. “Nuk është viti më i mirë për të festuar titullin, me shumë miq dhe tifozët të Atletikos që nuk janë më. Është një titull me një shije ndryshe, por të paktën kemi arritur të sjellim pak kënaqësi në një vit kaq të vështirë”, – ka thënë Suarez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje