.png)
Presidenti i Tiranës, Refik Halili, ka vendosur që ta vazhdojë bashkëpunimin me trajnerin Orges Shehi, edhe pse nuk u arrit objektivi për ta çuar skuadrën në Kupat e Europës. Klubi ka njoftuar zyrtarisht marrëveshjen për zgjatjen e bashkëpunimit mes palëve, por pa dhënë detaje konkrete.
“Klubi i Futbollit Tirana njofton nënshkrimin e marrëveshjes me trajnerin Orges Shehi. Gjatë bisedimeve në ditët e fundit presidenca dhe trajneri Shehi arritën dakordësinë për zgjatjen e bashkëpunimit mes tyre. Pasi mori drejtimin e ekipit në janar, duke bërë një punë mjaft të mirë në pak kohë, tekniku tashmë do të vijojë të qëndrojë në krye të bankinës bardheblu”, – shkruhet në njoftimin zyrtar të klubit kryeqytetas.
U duk se pozitat e Shehit u lëkundën fort pas mbetjes jashtë Europe të Tiranës, madje qarkulluan zëra edhe për një interesim për trajnerin e Vllaznisë, Tomas Bërdariç, por tani situata është qartësuar. Vendimi nuk është se është pritur edhe aq mirë nga tifozët e Tiranës, të cilët nuk mund të jenë kurrë të kënaqur me vendin e 5-të dhe nuk e kuptojnë se çfarë do të thotë klubi me “punën mjaft të mirë” të trajnerit Shehi.
Pasi mbylli nkarrierën si futbollist, Orges Shehi ka drejtuar ekipet e Skënderbeut, Kukësit për një kohë të shkurtër dhe tani Tiranën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje