.png)
Kilian Mbape pritet të jetë dhurata e madhe e presidentit Florentino Perez për trajnerin e ri të Realit, Karlo Ançeloti, i cili firmosi një kontratë 3-vjeçare mbrëmjen e së martës. Sulmuesi francez joshet shumë nga një aventurë me Realin, klubin me më shumë trofe në Ligën e Kampionëve. Prej kohësh kampioni i botës është një objektiv i madrilenëve, por tani duket se ka ardhur momenti për të bërë lëvizjen konkrete.
Zhvillime interesante pritet të ketë edhe në aksin Paris-Torino. Sipas “Gazzetta dello Sport”, Kristiano Ronaldo mund të veshë fanellën e PSG-së. Pavarësisht qëndrimeve të fundit të portugezit, i cili ka lënë të kuptohet se do të vazhdojë me Juventusin, emri i tij është githmonë i nxehtë për rikthimin e mundshëm te Mançester Juanjtid, por tani më shumë për kalimin te PSG.
Në anën tjetër, nën urdhrat e Alegrit do të vihej sulmuesi Mauro Ikardi, i cili do të linte Parisin. Drejtuesit e Juventusit e kanë ndjekur gjithmonë me vëmendje pistën e Ikardit dhe gjasat janë që argjentinasi të vishet bardhezi shumë shpejt. Janë këto disa nga pistat më intriguese të merkatos së verës, ku klubet e mëdha synojnë të veprojnë me shpejtësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje