.png)
Inteligjenca amerikane nuk ka gjetur asnjë provë se “fenomenet e çuditshme ajrore” të dëshmuara nga pilotët e Marinës në vitet e fundit janë anije kozmike aliene.
Por nga ana tjetër, “nuk mund të shpjegojë lëvizjet e pazakonta që kanë çorientuar shkencëtarët dhe ushtrinë”. Lajmi bëhet i ditur nga gazeta amerikane “New York Times”, e cila citon drejtues të lartë të administratës së Bidenit.
Kështu, përjashtohet mundësia që shumica e 120 incidenteve të 20 viteve të fundit t’iu atribuohen teknologjive sekrete.
Sqarimi erdhi pas rezultateve të një raporti të deklasifikuar të destinuar për Kongresin. Gazeta amerikane raporton se pamjet mund të përfshijnë programe që qeveria dëshiron t’i mbajë të fshehta.
Zyrtarë të lartë të informuar të inteligjencës, pranuan se e njëjta “paqartësi e rezultateve”, do të thotë në praktikë që qeveria nuk mund të përjashtojë përfundimisht teoritë që fenomenet e vëzhguara nga pilotët ushtarakë, mund t’i referohen një anije kozmike aliene.
“Fiksimi” i amerikanëve për të ashtuquajturit UFO, është intensifikuar në javët e fundit në pritje të publikimit të raportit të qeverisë. Ish-presidenti Barack Obama, ndezi më tej debatin kur iu kërkua të komentonte për pamjet muajin e kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje