.png)
Përfaqësuesit e 10 klubeve të Superiores ishin sot në zyrat e FSHF-së, ku kanë marrë pjesë në një takim në lidhje me kriteret dhe rregullat e licencimit. Që nga sezoni i ri 2021-2022, rregullorja e licencimit të klubeve të Superiores është e njëjtë me atë të UEFA-s për pjesëmarrjen në kupat e Europës.
Përveç shefit të sektorit të licencimeve në FSHF, Eduard Gjini, në takim merrnin pjesë edhe drejtuesi i sektorit të përgatitjes atletike në FSHF, Luixhi Febrari, dhe përgatitësit atletikë të ekipeve kombëtare, Luka Laurenti dhe Iris Selimi. Ata kanë diskutuar me përfaqësuesit e klubeve për rëndësinë e sektorit që përfaqësojnë në një ekip futbolli.
Komiteti Ekzekutiv i FSHF-së ka vendosur që çdo klub i Superiores duhet të ketë patjetër një përgatitës atletik në staf. Shefi i sektorit të licencimeve, Gjini, u shpreh i gatshëm për të ndihmuar klubet në lidhje me pjesëmarrjen në kompeticionet europiane, Ligën e Kampionëve, Ligën e Europës dhe Ligën e Konferencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje