.png)
Është hedhur sot shorti për turin e dytë të Ligës së Konferencës, një kompeticion ku marrin pjesë 3 skuadra shqiptare dhe që e nisin nga turi i parë eliminator. Ato kanë mësuar kështu kundërshtarët e radhës, nëse ia dalin të kualifikohen për në turin e dytë.
Partizani, nëse kalon moldavët e Sfintul Gheorge, e pret Baezeli, ekipi i madh zviceran që vitet e fundit ka luajtur rregullisht edhe në Ligën e Kampionëve, duke shkuar deri në fazën me grupe. Një short shumë i vështirë për të kuqtë, pasi Bazeli, ku laujnë Taulant Xhaka dhe Amir Abrashi, është i një tjetër niveli dhe sigurisht që për skuadrën e Dajës do jetë e pamundur.
Laçi, nëse kualifikohet ndaj Podgoricës, në turin e dytë do të gjejë rumunët e Kraiovës, kurse Vllazninë, po të kalojë me sukses boshnjakët e Shiroki Brijeg, përplaset me qipriotët e Ael Limasol. Turi i dytë i Ligës së Konferencës zhvillohet më 22 dhe 29 korrik. Deri atëherë ka kohë, më parë 3 skuadrat tona duhet të përpiqen të kalojnë kundërshtarët e parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje