.png)
“Është kthyer në vendin që i përket, është kthyer në shtëpi”. Me këtë postim në Tuiter, të shoqëruar me një video, Parma ka zyrtarizuar rikthimin e portierit Xhixhi Bufon pas 26 vitesh. Portieri 43-vjeçar ka firmosur një kontratë 2-vjeçare me klubin ku është rritur, me skuadrën ku debutoi në Serinë A 17 vjeç, më 19 nëntor 1995 ndaj Milanit. Prezantimi është programuar më 22 qershor.
Videoja e zyrtarizimit nga Parma i referohet “trailer”-it të një filmi fantashkencë, të titulluar “Superman returns”, të përshtatur me stadiumin “Tardini”. Në fund shihet një personazh misterioz që heq kapuçin dhe zbulon identitetin. Ai është Bufon, që në telefon me pronarin e Parmës thotë: “Ok Kyle, i’m in” dhe Krause përgjigjet: “Mirë se u ktheve në shtëpi”.
He is back where he belongs.
— Parma Calcio 1913 (@1913parmacalcio) June 17, 2021
He is back home.#SupermanReturns 🔙🟡🔵@gianluigibuffon @Kyle_J_Krause @ParmaCalcio_en pic.twitter.com/bh2FO6P8YX
Në fund të fundit, Bufon ka bërë një zgjedhje zemre. “Në tavolinë kam disa oferta të ndryshme. Ka skuadra që luajnë në Champions, pastaj ka edhe skuadra që përfaqëosjnë rikthimin tim në origjinë, që lëvizin diçka brenda meje sa u takon ndjenjave. Këto shndërrohen në entuziazëm dhe energji”, – ka thënë pak ditë më parë Bufon. Ai zgjodhi Parmën e tij, me objektin ta kthejë shpejt në Serinë A.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje