.png)
Gjykata Kushtetuese ka nisur shqyrtimin e padisë për zgjedhjet vendore të 30 qershorit 2019-të, ku pas disa minutave debate është lejuar që në sallë të futet në cilësinë e vëzhguesit përfaqësuesi i Partisë Demokratike, Ivi Kaso.
Padia është dorëzuar në Kushtetuese në gusht të 2019-ës nga Shoqata e Bashkive të Shqipërisë, për drejtimin e së cilës ka nisur një proces tjetër gjyqësor në Gjykatën Administrative të Tiranës mes Voltana Ademit dhe Pjerin Ndreut.
Në këtë seancë, Shoqata e Autonomisë Vendore, që drejtohet nga kryebashkiaku i Tiranës, Erion Veliaj kërkoi që të ishte palë në proces. Kërkesa u kundërshtua nga Presidenca dhe nga vetë përfaqësuesit e Shoqatës së Bashkive të Shqipërisë.
Qeveria nga ana tjetër i kërkoi Gjykatës Kushtetuese që Shoqata e Bashkive të mos përfaqësohej nga Voltana Ademi dhe çështja të pezullohej nga ana e Kushtetueses deri kur Gjykata Administrative të Tiranës të shprehej se kush ishin organet e legjitimuara drejtuese të shoqatës që ka dorëzuar këtë padi.
Por, Kushtetuesja hodhi poshtë kërkesën e dytë të Qeverisë për pezullim të procesit, ndërsa në lidhje me statusin e Voltana Ademit tha se për këtë do të shprehej në fund të vendimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje