.png)
Prishtina e ka fituar edhe finalen ndaj Inter Eskaldes në “Elbasan Arena” dhe ka siguruar pjesëmarrjen në turin e parë eliminator të Ligës së Kampionëve. Një sukses ky për kampionët e Kosovës, që në gjysmëfinale kishin eliminuar Folgore të San Marinos.
Stadiumi i Elbasanit ka rezultuar me fat për prishtinasit, që sot mundën Inter Eskaldes me rezultatin 2-0. Endrit Krasniqi, autor i të dy golave, ishte pa dyshim njeriu i ndeshjes për skuadrën e drejtuar nga trajneri Zekirija Ramadani.
Në turin e parë eliminator të Ligës së Kampionëve Prishtina do të ndeshet me kampionët e Hungarisë, Ferencvaroshin, ku aktivizohet edhe sulmuesi i Kombëtares, Myrto Uzuni. Ndeshja e parë luhet në Hungari, më 6-7 korrik, ndërsa ndeshja e kthimit zhvillohet më 13-14 korrik. Kuptohet që ndaj Ferencvaroshit do të jetë shumë më e vështirë për Prishtinën e Lilajt dhe Micit.
Sipas skemës së UEFA-s, 4 skuadrat kampione të kampionateve të vogla, Kosovës, San Marinos, Andorrës dher Ishujve Faroe, luajnë një lloj play-off-i për të kaluar në turin e parë eliminator. Bëhet fjalë për dy gjysmëfinale dhe finalen, që UEFA ia besoi FSHF-së dhe që ishte me fat për kampionët e Kosovës. Prishtina i fitoi të dyja ndeshet dhe tani “hyn” në skenën e madhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje