.png)
Komisioni për Ankesat dhe Sanksionet ka rrëzuar ankimimin e Partisë Demokratike dhe ashtu si Ilirjan Celibashi më parë la në detyrë kryebashkiakun e Mallakastrës, Qerim Ismailaj.
Përfaqësuesit e Partisë Demokratike thanë se Ismailaj ishte në kushtet e ndalimit të së drejtës për t’u zgjedhur, parashikuar nga ligji i dekriminalizimit pasi ka fshehur nga formulari i dekriminalizimit faktin që është i dënuar me vendim të formës së prerë nga gjykatat greke.
KAS e interpretoi dosjen e prokurorisë, që konfirmoi faktin se Qerim Ismailaj ishte dënuar në Greqi, por gjatë konvertimit të akuzës së palës greke sipas Kodit Penal shqiptar ai rezultonte të ishte dënuar me akuzën e “dëmtimit me dashje” dhe jo atë të “plagosjes”.
Akuza e dëmtimit me dashje me paaftësi fizike më pak se 9 ditë nuk bën pjesë në listën e veprave penale që ndalohen nga dekriminalizimi. Gjatë mbrojtjes së kërkesës, përfaqësuesit e PD-së vunë në pikëpyetje klasifikimin e kësaj akuze nga prokuroria, duke thënë se ajo nuk përcakton në dosje nëse personat e dëmtuar nga Qerim Ismailaj në Greqi kanë pasur paaftësi fizike për më shumë, apo më pak se 9 ditë.
KAS rrëzoi me shumicë votash kërkesën. Vendimi mund të apelohet në Kolegjin Zgjedhor, që është shkalla e fundit e vendimmarrjes për këtë proces.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje