.png)
Partia Demokratike shtyu zyrtarisht, atë që thuhej koridoreve të saj, analizën zgjedhore të 25 Prillit. Kryesia e Partisë Demokratike e parashikuar të mblidhej të shtunën në mbrëmje është shtyrë ditën e enjte të javës që vjen. Arsyeja lidhet me mosdepozitimin në kohë të analizës nga të gjitha degët e PD-së.
Ndërkohë, Sekretari i Përgjithshëm i PD-së, Gazment Bardhi, ka njoftuar axhendën e mbledhjes së kryesisë për ditën e enjte.
“Ditën e enjte, datë 15.07.2021, ora 18:00 do të zhvillohet mbledhja e Kryesisë së Partisë, me këtë rend dite:
1. Shqyrtimi i përmbledhjes së analizës së masakrës zgjedhore të 25 Prillit, për fazën e parë të saj.
2. Shqyrtimi i ndryshimeve në Statutin e Partisë Demokratike që do ti propozohen për miratim Kuvendit Kombëtar të Partisë, në mbledhjen e tij të datës 17 Korrik 2021.
3. Miratimi i urdhrit për ngritjen e Komisioneve të Votimit dhe Numërimit për zgjedhjet e anëtarëve të Këshillit Kombëtar në mbledhjen e datës 17 Korrik 2021 të Kuvendit Kombëtar.
4. Njoftimi nga Kryetari i Partisë i listës që do të propozojë për votim për kandidatët për anëtar të Këshillit Kombëtar”, thuhet në njoftimin zyrtar të shpërndarë për anetarët e kryesisë së PD.
Ndërkohë, të mërkurën e javës që vjen do të zhvillohet edhe mbledhja e Komisionit të Përhershëm Statutor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje