.png)
Barcelona ka nënshkruar së fundi me një talent nga Austria, i cili quhet Jusuf Demir. Të gjithë e konsiderojnë lojtarin 18-vjeçar si Mesin e Austrisë dhe drejtuesit e Barcelonës janë bindur nga aftësitë e tij për ta bërë pjesë të skuadrës. Një transferim që është kryer falë dy shqiptarëve.
Shkumbin Qormemeti dhe Agron Krasniqi janë dy menaxherët që kanë bërë të mundur firmën e lojtarit të Rapid Vjenës me Barcelonën dhe në prezantim ka marrë pjesë edhe vetë presidenti i katalanasve, Johan Laporta. Në ambientin futbollistik shqiptar është mjaft i njohur Shkumbin Qormemeti, shqiptari nga Maqedonia e Veriut.
Ai ka bëshkëpunuar me disa klube të kampionatit tonë, veçanërisht me Skënderbeun, për transferimin e lojtarëve më të talentuar në kampionate të huaja. Piter Olainka, Bernard Berisha, Liridon Latifi janë disa lojtarë të transferuar jashtë prej tij. Edhe Ernest Muçi i Tiranës kaloi në Poloni me ndërmjetësimin e tij.
Shkumbin Qormemeti ka menaxhuar gjithashtu edhe lojtarë të Kombëtares, ndërkohë që ka bashkëpunuar edhe me drejtorin sportiv të Lacios, Igli Tare, si në rastin e fundit me kalimin e Vedat Muriqit te Lacio.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje