.png)
Ish-zv/ministrja e Brendshme Rovena Voda është lënë në arrest shtëpie nga Gjykata e Posaçme e Shkallës së Parë për Korrupsionin dhe Krimin e Organizuar me kërkesë të SPAK pas hetimeve të kryera.
Sipas SPAK, ish-zv/ministrja Voda ka marrë para për të favorizuar emërimin në shërbimin civil të një punonjëseje të quajtur Florida Beu.
Në njoftim thuhet se Rovena Voda ka marrë përfitime monetare dhe materiale nga Majlinda Hasani dhe Florida Beu, me qëllim që të ushtronte ndikim të paligjshëm te zyrtarë të tjerë për të favorizuar në mënyrë të padrejtë emërimin në shërbimin civil në kategorinë ekzekutive Florida Beun.
Ish-zv/ministrja Rovena Voda akuzohet për ushtrim ndikimi të paligjshëm ndaj personave që ushtrojnë funksione publike.
Edhe për dy gratë e sipërpërmendura, Majlinda Hasani dhe Florida Beu, gjykata ka vendosur arrest shtëpie për veprat penale ushtrim i ndikimit të paligjshëm ndaj personave që ushtrojnë funksione publike të kryer në bashkëpunim.
Hetimet e SPAK për këtë dosje janë në vijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje