.png)
Protestat më të mëdha antiqeveritare që po mbahen në Kubë kanë shënuar viktimën e parë. Një 36-vjeçar humbi jetën në periferi të Havanës gjatë një përplasje me policinë.
Sipas Ministrisë së Brendshme, ai ishte pjesë e një grupi që sulmoi një strukturë qeveritare. Por dëshmitarët thonë se forcat e sigurisë sulmuan njerëzit që kishin dalë në rrugë për të protestuar.
“Artistët e Lëvizjes San Isidro janë pothuajse të gjithë në burg dhe interneti është ndërprerë në Kubë”, – siguron shkrimtari Carlos Manuel Alvarez, në telefon nga Meksika. Miqtë e tij nga grupi më aktiv i protestave, së bashku me 27N, nuk i përgjigjen më telefonit ose në mediat sociale.
Të paktën njëqind njerëz u arrestuan pas demonstratave të së dielës, duke përfshirë udhëheqësin e “San Isidro”-s, Luis Manuel Otero Alcántara, i cili është dërguar në selinë e policisë politike, Villa Marista.
Raporti edhe më dramatik, por jo i konfirmuar, i “14ymedio”, faqja në internet e influencuesit Yoani Sánchez, shkruan: “Ka të vdekur, të plagosur, të ndaluar dhe të zhdukur”.
Figura të tjera kubane kanë filluar të rishfaqen. Ashtu si prifti i Camaguey, Castor José Alvarez dhe dramaturgu, Yunior García.
Interneti është i vdekur në ishull, por disidentët arrijnë të filtrojnë dëshmitë jashtë vendit, ku të tjerët mbajnë gjallë profilet e tyre sociale: “Ne u goditëm, na tërhoqën me forcë dhe na hodhën në një kamion mallrash, si thasë me mbeturina”, – shkruan Garcia, duke shprehur frikën e shumë njerëzve: “Ne dënojmë çdo ndërhyrje të huaj ose përdorimin e forcave ushtarake nga çdo komb, qofshin ato SHBA-të ose Venezuela”.
Qeveria gjithashtu ka frikë se situata do të dalë nga kontrolli. Nuk është rastësi që gjenerali Raúl Castro është rishfaqur në pallatet e pushtetit, i cili mori pjesë në një samit emergjent të Byrosë Politike për të “analizuar provokimet e orkestruara nga elementë kundër-revolucionarë, të organizuar dhe financuar nga Shtetet e Bashkuara”, shpjegon “Granma”.
Spektri i “Satanit të Madh Amerikan” rishfaqet, ndërsa në emër të një populli deri më tani zemërbutë dhe akomodues, është përfshirë dhe ndarë njëkohësisht bota artistike, midis atyre që mbështesin qeverinë “revolucionare” – mes tyre nga ata që kanë marrë pozicione ose privilegje dhe atyre që mbështesin protestën.
Midis këtyre të fundit, Chucho Valdés, pianist dhe kompozitor, një nga muzikantët më të famshëm të xhazit kuban, i cili shkroi në Twitter: “Më dhemb shumë të shohësh kushtet çnjerëzore në të cilat mbijeton populli kuban”.
Si ai, është edhe aktori Alberto Pujol dhe muzikantët Dayme Arocena, Cimafunk, Leoni Torres. Ndërkohë qeveria përgjigjet duke vendosur forcat policore të inteligjencës shtetërore.
Muzikantët Ray Fernandez dhe Israel Roja, skulptori Kcho dhe shkrimtari Abel Prieto, ish-ministër i Kulturës dhe presidenti aktual i Casa de las Americas, postuan në Twitter: “As bllokada, as Covid-19 dhe as planet më të këqija përmbysëse do të jenë në gjendje të mposhtin Revolucionin”.
Kaq shumë fjalë, ndërsa dyqanet dhe farmacitë kanë mbetur me rafte gjysmë të zbrazëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje