.png)
Pas thashethemeve të shumta që qarkulluan në media, u konfirmua shtrimi në spital i presidentit brazilian, Jair Bolsonaro në një spital në Sao Paulo.
Për momentin, thonë mjekët, ai do t’i nënshtrohet “trajtimit klinik konservativ”. Bolsanaro ka një pengesë të dyshuar të zorrëve dhe nëse terapia me ilaçe nuk jep rezultate të favorshme, ai mund t’i nënshtrohet një operacioni urgjent.
“Pas testeve klinike, laboratorike dhe të imazhit – lexohet në buletinin mjekësor të lëshuar nga spitali privat “Vila Nova Star”, – presidenti fillimisht do të qëndrojë në spital për një trajtim klinik konservativ”.
Më herët gjatë ditës, një deklaratë nga presidenca braziliane, foli për “ekzaminime shtesë për të vlerësuar nëse një operacion është i nevojshëm ose jo”.
Bolsonaro, 66 vjeç, u dërgua në një spital në Brazilia të mërkurën në mëngjes për dhimbje barku pas 10 ditëve rresht, por autoritetet lëshuan një deklaratë ku pretenduan se presidenti ishte mirë, pavarësisht se duhej të merrte qetësues.
Në orët në vijim, mjeku që e ka trajtuar atë që nga viti 2018, kur ai pësoi një goditje me thikë gjatë fushatës zgjedhore, e diagnostikoi atë me obstruksion të zorrëve, duke rekomanduar transferimin në Sao Paulo për ekzaminime më të thelluara dhe një ndërhyrje të mundshme kirurgjikale.
Në një përpjekje për të siguruar elektoratin e tij, Bolsonaro postoi në Twitter një foto të tij në spital në Brazilia me fjalët: “Ne do të kthehemi së shpejti nëse Zoti dëshiron”.
Bolsonaro, i cili është katolik dhe ungjillor, shfaqet i shtrirë në një shtrat spitali, me sytë mbyllur dhe disa sensorë monitorimi të bashkangjitur në trupin e tij të zhveshur.
Në buzë të fotos, një dorë shihet duke arritur tek ai, që i përket një personi, i cili duket se ka veshur një mantel të gjatë fetar të zi dhe një zinxhir me një kryq të artë.
Problemet të shkaktuara nga goditja me thikë
Goditja me thikë e vitit 2018, i shkaktoi dëmtime të zorrëve dhe gjakderdhje të rëndë të brendshme dhe presidenti që atëherë i është nënshtruar disa operacioneve, por jo të gjitha në lidhje me sulmin. Problemi mund të jetë shkaktuar nga ngjitjet që i atribuohen shenjave nga operacionet e mëparshme.
Lëkundjet kronike dhe lemza
Javët e fundit, Bolsonaro duket se ka pasur vështirësi në të folur në raste të ndryshme dhe ka pretenduar se vuante nga lemza të përsëritura.
“I kërkoj falje të gjithëve që më dëgjojnë, sepse kam qenë me lemëz për pesë ditë”, – tha presidenti në një intervistë, duke sugjeruar që disa ilaçe të përshkruara pas operacionit mund të jenë shkaku.
Një ditë më parë, gjatë sesionit të tij të përjavshëm në Facebook Live, Bolsonaro përsëri kërkoi falje që nuk ishte në gjendje të flasë mirë për shkak të problemeve të vazhdueshme.
Lëkundjet kronike janë zakonisht shfaqja e një problemi themelor, të tillë si një zorrë e bllokuar, që mund të kërkojë ndërhyrje kirurgjikale, tha Dr. Anthony Lembo, një gastroenterolog në Qendrën Mjekësore “Beth Israel Deaconess”, në Boston, Masaçusets (SHBA). – Në disa raste, mund të jetë e nevojshme heqja e një pjese të zorrëve”, – shtoi ai.
Problemet politike
– Estaremos de volta em breve, se Deus quiser. O Brasil é nosso! 🇧🇷 pic.twitter.com/3ohUwHBEHG
— Jair M. Bolsonaro (@jairbolsonaro) July 14, 2021
Bolsonaro ka ardhur nën presion në rritje nga një hetim i Kongresit në trajtimin e administratës së tij të pandemisë së koronavirusit dhe pretendimit të korrupsionit në prokurimin e vaksinave. Në një takim 20-minutësh me presidentin në Brazilia të martën në mbrëmje, mbështetësit i kërkuan vazhdimisht të kujdeset për shëndetin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje