.png)
Prokuroria e Durrësit ka shpallur moskompetencë për dosjen hetimore të kokainës që u kap në Portin e Durrësit disa ditë më parë.
Dosja për sasinë prej 11.6 kg kokainë, e cila sekuestrua në një kontejner me banane në Portin e Durrësit, i ka kaluar Prokurorisë së Posaçme Antikorrupsion.
Më herët, Gjykata e Durrësit ka dhënë masën e sigurisë “arrest me burg” për Bajron Gumenin, i cili është administrator i kompanisë “Alba Exotic Fruit”, në kontejnerin ku u ka lënda narkotike.
Ai u arrestua dy ditë më parë në Portin e Durrësit, ndërsa është shprehur se nuk ka pasur lidhje me drogën e kapur dhe se kompania e tij ka porositur vetëm banane. Në lidhje me sasinë e kapur të lëndës narkotike, është arrestuar edhe një punonjës, Jurgen Osmani.
Ngarkesa ishte nisur më 8 korrik nga Porti i Pireut dhe ka mbërritur në Portin e Durrësit më 11 korrik, ndërsa ngarkesa vinte nga Ekuadori.
Kompania “Alba Exotic Fruit”, rezulton e përmendur edhe më parë në lidhje me trafikun e drogës, ku në vitin 2019, në kontejnerët e kësaj kompanie, në Pire të Greqisë, u gjetën 137 kg kokainë, e cila u zëvendësua me oriz nga autoritetet.
Për kokainën e ngarkuar në kontejnerët e kësaj kompanie, u arrestuan Altin Myslihaka dhe Ardian Begaj dhe u shpall në kërkim Gentian Malindi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje