.png)
Olivier Zhiru është lojtari më i ri i Milanit. Ai ka firmosur kontratën me klubin kuqezi, është takuar me trajnerin Stefano Pioli dhe është larguar për të vazhduar pushimet dhe për t’u kthyer në Milano më 26 korrik. “Milani është skuadra perfekte për mua”, – ka thënë shkurt kampioni i botës me Francën në 2018-ën.
Sulmuesi francez do të mbajë numrin 9, duke sfiduar kështu mallkimin e kësaj fanelle. Zhiru është i destinuar të mbajë fanellën që pasi u la e lirë nga një garë Filipo Ingazi, është shoqëruar me eksperienca të dështuara në të shumtën e rasteve. Nga Matri te Fernando Torres e Manxhukiç, nga Lapadula te Piatek, nga Andre Silva te Higuain: asnjë nga ata që kanë mbajtur 9-ën vitet e fundit nuk ka mundur të lërë shenjë në historinë e Milanit.
Zhiru kërkon ta provojë fatin, është i bindur për këtë. Fanella e tij me numrin 9 ka dalë tashmë në shitje në sitin zyrtar të klubit kuqezi, ku shpresojnë që mallkimi i 9-të të largohet me ardhjen e francezit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje