.png)
Një 41vjeçar është arrestuar në Pikën Kufitare të Portit e Durrësit, pasi tentoi të korruptonte punonjësin e policisë me 50 euro, për të kaluar doganën.
Shtetasi N.G., ka dorëzuar dokumentet për të udhëtuar jashtë Shqipërisë drejt Italisë, të cilat ishin të pamjaftueshme në bazë të kritereve të vendosura nga vendet e tjera, për shkak të Covid-19.
Punonjësi i policisë, pasi i ka bërë me dije shtetasit N.G. se nuk mund të udhëtonte për shkak të mosplotësimit të kritereve, pasagjeri i ka dhënë përsëri pasaportën me një kartëmonedhë 50 euro në brendësi të saj, me qëllim shmangien e procedurave të kontrollit të dokumentacionit për kalimin drejt Italisë në mënyrë të paligjshme.
Pas tentativës për korruptim, efektivët i kanë vënë prangat 41 vjeçarit. Materialet i kaluan Prokurorisë së Rrethit Gjyqësor Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje