.png)
Një 50-vjeçar nga Polonia, është konstatuar përmes radarit në Bypass-in e Fierit, duke udhëtuar me një shpejtësi 231 km/h dhe si rrjedhojë është vënë në pranga.
Ai udhëtonte me një makinë Ferrari ngjyrë të verdhë, me targa gjermane, por ka rezultuar se automjeti ishte në kërkim në Gjermani për mungesë dokumentacioni. Gjithashtu, leja e drejtimit që turisti polak i paraqiti punonjësve të policisë, ishte e falsifikuar.
Pasi është shoqëruar në Komisariatin e Fierit, shtetasi T.S., është arrestuar për veprat penale “Përdorimi i dokumenteve të falsifikuara” dhe “Falsifikimi i vulave, stampave ose i formularëve”.
Ndaj tij, u vendos edhe masë administrative 80.000 lekë të rinj, për tejkalim të normave të shpejtësisë dhe mungesë siguracioni. Automjeti tip “Ferrari” u sekuestrua në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje