.png)
“Vala e katërt e Covid 19 ka filluar”. Kështu është shprehur presidenti i Institutit “Robert Koch” (Agjencia Gjermane e Shëndetit Publik), Lothar Wieler, i cili sugjeron “kufizime të reja për të përmbajtur përhapjen e rasteve të infeksioneve”.
Vendimi për masat që duhet të merren për të përmbajtur përhapjen e virusit, do të merret në 10 gusht, kur do të mbahet konferenca midis kancelares Angela Merkel dhe ministrave të rajoneve të vendit.
Në Gjermani, incidenca e virusit është rritur për tre javë – në 15 – dhe shkalla e shtrimeve në spital është rritur për dy javë. “Incidenca është akoma faktori më tregues mbi dinamikën e infeksioneve”, shkruhet në dokumentin e Rki që agjencia e lajmeve “Dpa” ka verifikuar. Por mbi këtë temë, ka pasur një diskutim me ministrat e Landeve, pasi jo të gjithë e ndajnë këtë qasje.
“Një numër i lartë i njerëzve të vaksinuar me një dozë të vetme, nuk është e mjaftueshme për të mbajtur valën e katërt nën kontroll”, por ekziston nevoja për distancim shoqëror dhe lëvizshmëri të zvogëluar, u tha gjatë video-konferencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje