.png)
Sipas “Globoesporte”, Kaio Jorge është afër kalimit te Juventusi. Madje, drejtuesit e Santosit, për të mos e humbur me parametra zero xhevahirin e tyre, janë takuar me agjentin e futbollistit, Xhuliano Bertoluçi, për të siguruar një shumë minimale nga transferimi i tij në Europë.
Për sulmuesin 19-vjeçar ka pasur një interesim edhe nga Milani, aq sa në një moment kalimi i tij te kuqezinjtë u duk fakt i kryer, por tashmë duket se Kaio Jorge ka një akord me Juventusin. Ai është një nga lojtarët më të talentuar në Brazil dhe klubet e mëdha janë vënë në gjurmët e tij prej kohësh.
Me rikthimin e trajnerit Alegri, organika e Juventusit do të freskohet me lojtarë të rinj. Një kërkesë e trajnerit italian që para se të largohej nga bardhezinjtë. Kaio Jorge është një goditje që i shërben më shumë se ardhmes së Juventusit. Mbetet për t’u parë, nëse marrëveshja do të zyrtarizohet apo jo, por në Brazil janë të sigurt se sulmuesi ka zgjedhur Juventusin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje