.png)
Manuela Delilaj ka përfunduar sot garën e 25 metrave pistoletë precizion në qitje sportive. Ajo ka grumbulluar 280 pikë në total dhe ka zënë vendin e fundit, por sipas KOKSH-it, ky është një rezultat i mirë, duke qenë se sportistja kuqezi ka pasur një dëmtim në parakrahun e djathtë.
Pjesa e dytë garës për Delilajn, që është në 25 metra pistoletë shpejtësi, do të zhvillohet nesër, në orën 09:00 me orën lokale. Disa ditë më parë, Manuela Delilaj ka bërë edhe garën në pistoletë ajër, ku ka zënë vendin e 37-të në 53 sportiste pjesëmarrëse.
Nga sportistët shqiptarë kanë konkurruar deri tani në Olimpiadë gjimnasti Matvei Petrov, xhudisti Indrit Çullhaj, notari Kledi Kadiu, peshëngritësi Briken Calja dhe qitësja Manuela Delilaj. Rezultatet më të mira i kanë arritur Calja dhe Petrov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje