.png)
Presidenti francez Emmanuel Macron ka paditur një pronar tabelash reklamuese i cili e paraqiste atë si Adolf Hitler, në shenjë proteste kundër masave anti-COVID.
Avokatët e presidentit francez janë vënë në lëvizje pasi imazhet u shfaqën në jug të Francës.
Posterat, njëra prej të cilave u shfaq në hyrje të qytetit mesdhetar të Toulon – kryeqyteti i Varit dhe shtëpia e një baze të rëndësishme detare – treguan Macron si udhëheqës nazist, me mustaqe dhe uniformë me sloganin: “Bindjuni. Vaksinohuni”
Michel-Ange Flori, i cili krijoi edhe imazhin, i tha gazetës lokale se ai ishte thirrur nga policia lokale.
“Ata më thanë se kishte pasur një ankesë nga Elysée. Unë u befasova dhe u trondita.”
Ai më vonë shkroi në Twitter: ” Pra, në Macron-landin mund të tallesh me profetin, kjo është satirë, por të bësh presidentin të duket si diktator është blasfemi,” shtoi ai.
Michel-Ange Flori ka lindur në Korsikë, dhe zotëron rreth 400 tabela reklamuese në rajonin Var. Ai edhe me parë ka shkaktuar polemika me posterat e tij.
Gjatë 20 viteve të fundit, Flori pretendon se ka prodhuar të paktën 100 postera provokues, duke këmbëngulur se po e ushtron të drejtën e tij për lirinë e shprehjes.
Vepra e “fyerjes së Presidentit të Republikës” u shfuqizua në vitin 2013 pasi një vendim i Gjykatës Evropiane për të Drejtat e Njeriut dënoi Francën, por kreu i shtetit mbrohet nga fyerjet dhe shpifjet publike si çdo qytetar i zakonshëm edhe nëse ndjekjet penale, ndonjëherë perceptohen si një sulm ndaj lirisë së shprehjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje