.png)
Situata e krijuar në vatrën e Karaburunit ku lartësia e zjarrit arriti deri në tre metra, e ku disa herë forcat zjarrfikëse kanë ndërprerë punën për shkak të pamundësisë, ka sjellë një reagim nga deputeti i zgjedhur i PS-së, Vlorë, Ilir Metaj, i cili është rreshtuar në listën e deputetëve të PS-së së këtij qarku të pakënaqur me punën e kryebashkiakut Dritan Leli.
“Të dashur Kryetar i Bashkisë dhe Prefekt i Qarkut Vlorë, zjarrëfikësit që po luftojnë me flakët në Karaburun e gjetkë, nuk kanë nevojë ‘tu mësoni’ si mbahet pompa e ujit, ku ta hedhin ujin apo të shërbejnë si aktorë dytësorë në fotot që hidhni për të treguar ‘se u jeni afër’.
As të kujtoheni se zjarrëfikësit ekzistokërkëshin kur shpëtuan jetë njerëzish nën rrënojat e tërmetit duke rrezikuar asgjë më pak sesa jetën e tyre.
Ata nuk kanë nevojë për qoka!
Kanë nevojë që në kohë paqe, t’i pyesni e të mbani shënim, çfarë nevojash kanë për të pasur ‘armët’ e nevojshme në kohë lufte.
Makina efektive, veshje profesionale, mjete cilësore.
Dhe detyra juaj është tu plotësoni këto kërkesa!
Jo qoka!”, shkruan Metaj në faqen e tij në Facebook
Ai sugjeron që për situatën e krijuar të merren helikopterë.
“Për të mos i lënë të armatosur vetëm me gjeshtra e shkurre tek mundohen të shuajnë flakët, sikur para 100 vjetëve, kur shkoni për vizita ‘të suksesshme’ jashtë shtetit, krijoni mundësinë tu dërgojnë avionë e helikopterë të hedhin ujë mbi zjarre( në momentet kritike si këto).
Ose, nëse nuk bëni dot miq t’u ndihmojnë falas në ditë të vështira, merrni me qera një helikopter të mbushë ujë në det, e ta zbrazë mbi flakët e Karaburunit.
Se nuk është ndonjë shkencë e madhe jo.
Mjafton dëshira, vullneti, njerëz punëtorë”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje