.png)
Dominimi i Xhamajkës në garat e shpejtësisë te femrat është absolut. Nuk ka asnjë shans për rivalet. Një tripletë përrallore në 100 metra, edhe pse me një kombinim që ndoshta para garës jo të gjithë e kishin parashikuar.
Ka fituar Elaine Thompson, me kohën 10”61, që është shumë rekordit unik të Florence Griffith Joyner në 1988-ën, me kohën 10”49, që dukej i paarritshëm deri pak më parë. Për herë të parë pas 33 vitesh, koha është shumë afër atij rekordi.
Shelly Ann Fraser Pryce e përfundoi garën në vend të dytë, me kohën 10”74, dhe nuk e përjetoi aspak mirë këtë fakt. Ishte ajo favorite, por në Olimpiada thyhen parashikimet. Asaj iu desh të vuante pak edhe për të mbrojtur medaljen e argjendit, duke parë rritjen e shpejtë të bashkombases Shericka Jackson, që u rendit e treta, me kohën 10”76.
Thompson, kur ndjen aromën e Olimpiadës, shpërthen. Në Rio fitoi në 100 dhe 200 metra. Me Xhamajkën nuk mund të rivalizojë askush. Në gjysmëfinale u dorëzua Asher Smith, anglezja që për një problem në pulpë do të mungojë në garën e 200 metrave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje