.png)
Në Durrës është zbuluar dhe shkatërruar një laborator për përpunimin e kokainës. Në një njoftim për mediat, policia sqaron se në pranga kanë rënë Klejton Xhaferri 32 vjeç dhe Ergys Vogli 33 vjeç, ky i fundit i dënuar më parë për veprat penale “Moskallëzim krimi” dhe “Prodhimi dhe shitja e narkotikëve”.
Këta persona, në bashkëpunim me njëri-tjetrin, kishin marrë me qira një banesë në lagjen Nr. 8 në Durrës dhe e kishin përshtatur atë për përpunimin dhe shpërndarjen e lëndëve narkotike.
Gjatë kontrollit në këtë banesë u gjetën dhe sekuestruan në cilësinë e provës materiale 1 armë zjarri tip “Beretta”, municion luftarak, 2 peshore elektronike, një sasi prej 73.940 Lekësh të rinj dhe 49 Euro vlerë monetare e përfituar nga shitja e lëndës narkotike.
Po ashtu policia sekuestroi 408 gramë lëndë narkotike heroinë dhe 11.5 gramë lëndë narkotike kokainë, të cilën këta persona e përgatisnin në doza të vogla, gati për shitje në qytetin e Durrësit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje