.png)
Laçi dhe Teuta janë dy skuadrat shqiptare që vazhdojnë rrugëtimin në Ligën e Konferenës dhe sot luajnë ndeshjet e para të turit të tretë eliminator. Laçi do të përballet me Anderlehtin, ekipin e madh belg, ndërsa Teuta ndeshet me irlandezët e Shamrok Rovers.
Për Laçin do të jetë një vitrinë e mirë në arenën europiane ndeshja me gjigantët belgë. Sigurisht, këta të fundit janë favoritë absolutë për kalimin e turit, por trajneri Shpëtim Duro dhe të tijtë nuk i presin të dorëzuar këto dy sfida. Kurbinasit kanë humbur një nga lojtarët kryesorë, Mentor Mazrekajn, megjithatë sot, në stadiumin “Elbasan Arena”, do të përpiqen të tregojnë vlerat më të mira. Laçi ka eliminuar Podgoricën dhe Universitatea Krajovën në dy turet e para.
Për Teutën shorti ka qenë shumë bujar, madje ia ka hapur rrugën për të shkuar në fazën me grupe të kompeticionit. Shamrok Rovers është një kundërshtar i kalueshëm për durrsakët, që më pas në Play-Off do të ndeshen me humbësin e çiftit Omonia-Flora Talin. Ndeshja e sotme në Irlandë ka shumë rëndësi për kualifikimin.
Teuta ka kaluar në Ligën e Konferencës pas eliminimit nga Liga e Kampionëve nga Sherif Tiraspol. Në turin e dytë të Ligës së Konferencës “Djemtë e detit” eliminuan Inter Eskaldes të Andorrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje