.png)
Një aksident i rëndë, me pasojë vdekjen e një personi, ka ndodhur gjatë pasdites së sotme në autostradën Fier-Vlorë, pranë fshatit Panaja.
Një automjet i drejtuar nga një shtetas nga Lushnja, ka përplasur një grua të moshuar, e cila në atë moment ishte duke kaluar rrugën. E moshuara mori plagë të rënda dhe edhe pse u dërgua me urgjencë për në spitalin e Vlorës, nuk mundi të mbijetojë. Policia ka nisur hetimet, ndërsa e moshuara ende nuk është identifikuar.
Njoftimi i policisë:
Në orën 19:20, në autostradën “100 Vjetori”, Vlorë, një automjet, me drejtues shtetasin A.M., 68 vjeç, banues në Lushnjë, ka aksidentuar një këmbësore ende të paidentifikuar, rreth 70 vjeçe, e cila si pasojë ka ndërruar jetë.
Drejtuesi i mjetit është shoqëruar në Komisariatin e Policisë Vlorë. Në vendngjarje ndodhet grupi hetimor dhe po punon për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje