.png)
Në Yokohama medaljen e artë në futbollin e meshkujve e ka fituar Brazili, që mundi 2-1 Spanjën në shtesë. Kjo është medalja e dytë e artë radhazi për Seleçaon, pas asaj që fitoi 5 vjet më parë në shtëpi ndaj Gjermanisë.
Zhgënjim te Spanja, ku trajneri De La Fuente u mbështet te 6 lojtarë që ishin protagonistë në Europianin e fundit: Unai Simon, Pau Torres, Dani Olmo, Pedri, Erik Garcia dhe Ojarzabal.
Në pjesën e parë Brazili humbi një penallti me Riçarlison. Ishte minuta e 38-të, por në fund të kësaj pjese Kunha zhbllokoi rezultatin, pas një asisti të të përjetshmit Dani Alvesh që fiton edhe trofen që i mungonte në palmaresin e tij.
Malcom goal vs spain pic.twitter.com/OB4nf7oNDI
— الدوري (@aldawriii) August 7, 2021
Në pjesën e dytë Spanja arriti të barazonte me Ojarzabal, në minutën e 61-të. Koha e rregullt u mbyll në barazim, 1-1, kështu që u desh shtesa, ku Brazili gjeti golin e fitores në minutën e 108-të më Malkom. Festë e ligjshme për brazilianët në Tokio për një medalje të artë plotësisht të merituar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje